College Veng KṬP

Rom 6:13 ah chuan, In taksa pengte pawh fellohna hriamhrei atan sualna hnenah pe phal hek suh u tih  Tirhkoh Paula lehkhathawn atangin kan hmu a, he thu hi nguntaka abiktakin ringtuten zirlai atana kan mamawh tak subject a ni awm e.
    He thu , Paula tawngkam atang hian thil lo lang chu, Pathian hmangaihna thuk leh ril tak avanga, Isua Krista thihna hmanga min tlanchhuaka, Krista zara mifel leh mithianghlim chanvo kan nihna hre rengin, he kan taksa peng hrang hrang te pawh hi ama tana kan invawn thianghlim tlat theih nan he tawngkam/ thu hi hriattir in kan lo awm ta kan ti thei ang. Lal Isua thihna hi thihna naran a ni lo, mihring fate Pathian nena in zawm tawhlo, chatuana boral tur, Pathian dan bawhchhia ten thiam kan chana,kan inzawm leh theih nan a ni.He thihna ah hian sual thihna, tihboralna alo lang a ni. Chutiang bawkin keini hringfa te hi a thihna ah kan thih ve tawh si  chuan nun tharin kan nung thei a,Pathian nen kan in zawm a ni. Kan Pathian in tupawh thi tawh chu sual lakah a chhuak tawh si a, Krista hnena thi tawh ( Piangthar)  te hi kan hnena thunei tawhlo Setana hian nitin in min thlema, piangthar tam tak kan tlu a nih hi, Pastor,Upa, Missionary chenin. Kan taksa chungah hian sualna in ro arel i phal lo ang u, kan tisa taksa chakzawng leh duhzawng hi bawhchhiatna avangin Pathian a do (huatna, sawichhiatna, hekna, hurna).Chuvangin kan Pathian thu in tisa dan ti a a sawiin – tisa dana awm te chuan Pathian an ti lawm thei lo ang a ti a ni, kan taksa duhzawng hi a bawlhhlawhin a tenawm a ni tih Tirhkoh pawh hian ama ten awm zia hria in ka thi thin tiin, chubakah Rom 6:12 ah Chuvangin intaksa duhzawng in zawmna turin, in taksa thi thei ah chuan sualna in rorel suh se a lo ti a ni.
    Sual a kan awm reng thin Isua Krista zara tlanna chang tawhtu kan nih ang ngei hian, kan thihsan tawh hnu (Sual) duhdan ang ni tawh lova, Pathian duhdan anga kan awm hi ringtutena kan awmdan tur chu a ni ta mai a ni. Chuvangin vawiin ah leh naktukah atan hian Isua tan kan nung tawh zawk tur a ni.
    Kan taksa peng hrang hrang te hi Pathian ta anih si chuan  ringtute hian fimkhurna chang kan hriat a tul hle a ni. Ringtu, Kristian, Kohhrana inhmang em em, mahse nung bawrh bawrh mai kan tam ta hle mai, kan nundan hrang hrang hian kan zui Lal Isua – kan aia thi, atana nung tawh tur kan nihna hi theihnghilh a awl hle, kan zalen tawhna tak mai hian fimkhurlohna min neihtir ta mai emaw tih mai turin kan awm ta si a ni.Kan fimkhurlohna avang hian Setana hian remchang a hmuhnem thin hle mai, ringtute hian Setana hi hmun awl , hun awl te kan pe a, chu hmunah ngei chuan keimahni ngei pawh kan duh luatna avang te kan chak luatna vang te in sualah kan lo tlu lut leh thin a ni. Keimahni ngei hian kan taksa pengte chu thil thalo tih nan kan lo hmang thin, ringtute tan hian fimkhurna tur atam  ta hle  leh nghal.
    Chutichuan unaute u, Pathian khawngaihna avang hian, inthawina nung leh thianghlim leh Pathian lawmtlak ni turin in taksa chu in hlan ah ka ngen a che u; chu chu in rawngbawlna awm reng a ni, tih thu Rom 12:1 thu ah kan hmu a, kan taksa inhlanna hi Pathian hian a duh zia leh a ngaihpawimawhzia alang chiang hle a ni, Pathian hnena inthawina thianghlim nei tur chuan kan taksa ngei hi atana kan hlan  angaia, kan taksa atana inhlan tel si lo inthawina chu inthawina awmze neilo tihna a ni dawn a ni.  Inthawina nung, thianghlim leh Pathian lawmtlak  kan neih theuh theih nan kan taksa peng tin te  Sualna hriamhrei atan chuan i phal lul lo ang u,..