College Veng KṬP

    Kumtir a ni bawka, Kohhran leh Pawl hrang hrang te tan chuan tihtur in ruahman chhohna hun a ni bawka, tul pawh ana hle a ni mai thei e. Engpawhnise, ruahmanna thatak siam lawk hi thil pawimawh a ni awm e. Kumtira kan ruahmanna hrang hrang te tipuitling tur hian mimal tinte inpekna theuh ah kan rawngbawlna hrang hrang ah hian kan Pathian hi a che mai dawn a ni.
Pathian malsawmtlak rawngbawlna atana ke pen chhuah hi ringtute mawhphurhna a ni. Chawlhni chawhma Sunday Sikula kal hi thil tha tak a nih rualin, hemi ringawt hi Kohhran mi nihna a ni ta mai emaw ti a, Inkhawm dang kan thlahthlam ta lutuk hi chuan rah tha lo, kan mimal ah, chhungkua ah leh khawtlang ah a la thlen ang tih hi thil hlauhawm tak a ni.Pathian rawng kan bawlna tur hmun hi kan hnathawhna leh kan chet velna hmun hrang hrang hi a ni thin a ni tih sawi tho mah ila, kan Pathian Biak Inkhawm leh kohhran ho thiltih kan ngaihpawimawh zawh tawhlohna thil kan neih chuan thilpawi tak a ni thei a ni dawn a ni.Ringtute hi amal maia amah chawimawi turin min ti lova, ahuhova amah chawimawi turin min duh a ni tih hriatrengfo a tha a ni. Kan hmalam leh kan kal zel dan tur thiltam tak kan rel leh ruahman lawkte tihlawhtlingtur chuan amah ah in nghat reng chunga, ama tana inhlanna, inpekna hrang hrang te hi a ni a, chutah chuan kan ngaihpawimawh zawngin thui takin kan tum ram hi min thlen ang chu….