SERLUI PRESBYTERY INKHAWMPUI
– T/ Upa R. Lalrinngheta
Thupui : “In kawngte chu chhut ngun rawh u” – Hagaia 1:5
Sawihawnna : Pathianin a Kohhranhote thanlenna leh hmasawn zelna atana a hmanraw pawimawh berte zinga mi, Mizoram Presbyterian Kohhran Inkhawmpui lian ber dawttu chu Dt. 11th – 14th Oct. 2012 khan Kawnpui Hmar Veng Kohhran Biak Inah kan lo hmang zo ta reng mai. Thenkhat tan chuan a rei deuh tawh avangin a thing deuh tawh mai thei a. Mase Peniel-a Inkhawmpui report lang miah lotur chu Ed. Board lam ten an ngaingam ngang lo a niang rei deuh tawh mahse kan han chhuang lum leh poh a niang chu.
Inkhawmpui Puipate :
Moderator : Pastor RT Lianthanga, Kawnpui Bial
Secretaries : Upa R. Lalramhluna Sr, New Diakkawn, Kolasib
: Upa Lalropuia Jr, Kawnpui Chhimveng
Treasurer : Upa PC PC Laithankunga, Thingdawl Vengthar
Statistician : Upa T. Zahmingliana, Venglai Kolasib
Inkhawmpui rorel : Dt 11 leh 12 , ni hnih awh chhung Rorel a ni a. a ni hnihna chawhnu her deuh awrhah kan zo thei a ni. General Agenda 11 zingah Pathian thu ang zela kan thu rel pawimawh deuh deuh te chu :
1) Khuangpuilam Kohhranin Kohhran Upa ( Presbytery member) Pathum (3) thlan an dil chu remtih a ni.
2) Kolasib Vengthar Kohhranin Bial Inkhawmpui kaltlanga Biak In sak that an dil chu remtih a ni.
3) Mizorama Sakhaw dang betu ( ringlo mi) te hmalakna zir chiang lehzual truin synod-in hma la rawh se tih chu synod ah kal zel tura tih a ni.
4) Sakramen leh Senior Detp. te zirlaibu-ah Kristian Chhungkaw din chungchang telh rawtna chu Mizo Sunday School Committee ah thlen tura tih a ni.
5) Zoram hmeichhe Inkhawmpui lian-a Lalpa zanriah sakrament theh thin tihtawp rawtna chu Synod ah kal zel tura tih a ni.
6) Synod-in Zorama chanchintha thlen ni atan Ni 15 March 1891 pawm tura rawtna chu synod-ah kal zel tura tih a ni.
7) 2010 Synod Inkhawmpui -a rel tawh angin Missionary Training College Bualpui-a sawn tura rel tawh chu chak lehzuala hma lak chhunzawm rawtna chu Synod-ah kal zel tura tih a ni.
8) Synod Research & Evaluation Wing tun aia zau zawka hman tangkai dan kawng zawn rawtna chu Synod Executive Committee (SEC) ah thlen tura tih a ni.
Thlarau lam thupui : “In kawngte chu chhut ngun rawh u” – Hagaia 1:5 hmangin 13th Oct 2012 ( Inrin zan) inkhawmah Pastor FH Kapkhuma, Hortoki Bial pastor ,bakah hian “ Thlen chin atanga hmasawn” – Thingdawl Bial Pastor Lalremruata sawi te, Moderator kal chhuak – Rawngbawltute hnena thuchah te, Sakrament thuchah leh Upa nemngheh thuchah tha tak tak te kan ngaithla bawk a ni.
Inkhawmpui boruak : Lamtual a lian a, mahse a dawl zo lo. Pandal hnuaia ka pitar chaklo tak tih hriat reng te an chakna zawng zawng sawr khawma mahni chakna pawn a daih zo tawh dawn em ni tih hial khawpa Pathian faka hlim leh lawm taka an lam han hmuh khan khawvel malsawmna an dawn vang ni hauh lovin theih lova hi an avanga hlim an ni tih chiang reng mai.. Haleluiah Amen… thawm a tha a.. Pathian thlarau Thianghlimin Kohhranho a awmpui tih hi hmuh theihin a lang a ni.. Hlahriltu a thiam a, hla a hril mai nilovin a khat tawkin Haleluiah Amen a han pe thin khan zai boruak a ti nuam, khuang pu Aw a tha a, zai leh hla hril leh Music pawh a inchawih mawi tak hle a ni.
Upa nemngheh te : T/Upa R. Saikhuma leh T/Upa James Lalthlamuana Project Veng Kohhran te, T/ Upa Lalchuangkima Tochhawng leh T/ Upa Lalhmingmawia Diakkawn Kohhran te Pathianni Chawhma Inkhawmah Moderator Rev. RT Lianthanga,n a Pathian hmingin a nemnghet a ni.
Thlengtu Kohhran lam Inbuatsaihna : Organising Committee dinin chumi hnuaiah chuan Sub- Committee 6 : Reception, Ushering, Sound & Light, Health & Sanitation, Decoration, Refreshment te siam a ni. Kohhran tawngtai Inkhawmah thupui atan vawi engemawzat Inkhawmpui pualin an tawngtai a, thlarau lam intuai tharna atan Dt 12th Aug -5th Sept. 2012 chhung khan Revival Camping an nei a, Khawmpuiah thlarau lam boruak pawh a that phah hle a ni.
Kum 2013 Presbytery Inkhawmpui :
A hmun : Kolasib Tumpui Kohhran Biakin
( Kolasib Venglai Bial)
A hun : Dt 10th – 13th. Oct 2013
Thupui : Ram chu Lalpa ta a ni. (Sam 22:28)
Inkhawmpui Puipate :
Moderator : Upa HF Sena,
New Diakkawn,Kolasib
Secretaries : Upa Lalropuia Sr.
Kawnpui Chhimveng
: Upa R. Lalramhluna Jr.
New Diakkawn, Kolasib
Treasurer : Upa PC Pachhunga, Tumpui, Kolasib
Statistician : Upa Lalngheta, Bualpui N