hu chuan, kan Pathian hi kan thinlung zawng zawng leh kan rilru zawng zawng a hmangaih turin min hrilh a. Kan mimal, chhungkua leh eizawnnate hi he khawvela kan awmchhung chuan thil pawimawhtak a ni. Mahse, Pathian tello chuan heng kan neih zawng zawng hi thil ral thei vek a ni. Kan Lalpa Isua Krista chhandamna pawh hi inpumpekna rawngbawlna atangin a ni tih kan hria a. Rawngbawlna hna kan tih tam tak te hi, tihloh aia tih te, tel ve lo nih aia tel ve rawngbawlna te, kan neih chuangliam leh kan hunawl hmanna tur atana thawh rawngbawlna atang hian Lal Isua hi tunge a nih tih alang chiang tawklova, hre ngailote, Pathian ngaihsak ngailo tute tan chuan ngaihsak aharsat phah a ni mai lo maw. Kan Pathian hian, kan thinlung leh kan rilru zawng zawng a, ama rawng kan bawl hi a phut tlat a ni tih hriat atha awm e. Kan tih theihtawk chin ni a kan hriat bak thawhtumna rilru pulo ringtu kan tam em vang a ni mai lo maw, ringtu leh rawngbawltu heti taka tamna ram, khua leh veng ah hian sual hi a huangtau ngam em em mai le. Kan chhungkua in sual hnathawh avanga harsatna kan tawha, kan rum lai mek hian, engkimtitheitu Pathian hnaih tak tak leh a hnena kan inpumpek mai hi kan tihtur a ni tih hriat atha awm e. Lalte Lal rawngbawltu leh ringtute hian, kan Lalpa thupek hi kan zawm atul a ni.
LALTE LAL – Pathian thil phut
Deuteronomy 10:12-17
– Lalmalsawma
Pathian khawngaihna a zarah kumthar duhawmtak mai kan lo chuangkai leh ta, kum kalta a min hruaina zawng zawng ah, Pathian ropuizia kan hmu a. Kohhranhote tisa leh thlarau lamah pawh malsawmna tam tak in min vura, kumthar atan hian kan Pathian tan hian rilru leh ngaihtuahna enge kan neih a, Pathian hian amah ringtute lakah hian enge a phut anga, kan lakah hian beisei a neih tih hi zirho tum dawn ta ila atha awm e.
I. Pathian hlauhna nena nun hman : Khawvel chhe tawh tak karah hian, ringtu chhungkua atanga chhuak ni si, Kristian ka ni inti leh Kohhran mi leh Kohhran rawngbawlna a tangkai tak tak te hian, Pathian hlauhna/ tihna nen kan rawngbawlnate leh kan nun te hi hman a tul zual hle a ni. Daniala chu Pathian a tih avangin Lal hremna ahmachhawn ngama, chu chuan a Pathian chu Pathiante Pathian, Lalte Lal a nihzia he khawvel Lalte mithmuh leh hriatah tarlanin a awmphah ta zawk a ni, Pathian a tan ngamna avangin, hmun hrehawm leh hun harsatak pawh huaisen takin a hmachhawna, chu chuan atawpah he khawvel Lal ropui te lakah pawh Pathian engkimtitheitu ropuizia atarlang a ni. Kan Pathian thu chuan mi in Pathian tihna avangin sual a kalsan thin tih kan hmu bawka, keimahni tan mai ni lo, Pathian ropuina midangte hnena puangchhuak tur hian Pathian thutak hi ringtute hian kan tan tak tak ngam a hun ta a ni. Kan rawngbawlna leh kan nitin nun hmanna ah hian Pathian duhdan hi kan tih Lalber ngam a tula, chu chu sual kalsanna hunremchang pawh alo ni bawk a ni. Pathian hlauhna avang zawka, channa leh hrehawmnate mualphonate tuar ngamtu tur ringtute hi kan nih mek lai hian, ahimchin leh a mualpho lo tawk vel te hi kan zawng leh mai thin. Hei hi chu, kan Pathian hi Lalte Lal, Pathiante Pathian a nihzia kan hriatchian tawkloh vang a ni thei mai angem le. Pathian tihna nena nun hman hi ringtute awmdan tur dik a ni zawk si a.
II. Inpumpekna nena rawngbawl : Kan Pathian t
III. Pathian thil phut : Kan Pathian hi Lalte Lal, Pathiante Pathian a ni, kan ti a. Chuvangtak chuan amah ringtu leh zuitute hnenah hian tihtak zetna te, diknate athuawihte a duh a ni. Thutak pawh hrilh ngamloh thalai, ringtu, tu leh fa kan nei duah em? kan khawtlangah hian Pathian thutak a Lal em? Kan Kohhran rawngbawlna hrang hrang ah hian thutak hi kan ngai pawimawhberfo em?. Rawngbawlna hi tihtak zetna nena hlen tum rilru kan pu in, chumi atan chuan kan thawk thin em? Mahni lawmna tawk kan hunawl hnawhkhahna tur atana rawngbawltu kan ni mai ang tih ava hlauhawm em. Pathian thilphut hi enge a nih tih kan chiana, chumi atana kan inbuatsaih thin a pawimawh awm e. Pathian hian amah ringtute hnenah leh amah zuitute lakah hian phut a neia, rawngbawltute ngat phei hi chu mahni duhna leh ngaihdana kan awm hi ahlauhawm hle a ni. Pathian thilphut hre chiang apiangin, rawngbawlna hi an ti mai mai ngam lova, mualpho huamin, mahni hrehawm pawisa lovin an zui thin a ni. Kan Kohhran chhunga rawngbawlna hrang hrang ah hian kan fel vangte, kan that vangte ni lovin a khawngaih rawngbawlna hna kan thawk ani tih hriat atha bawk. Kan theihloh chhan te, kan tihloh chhante hi keimahni lam in pawm thiam viau ila, Lal te Lal kan Pathian hian apawm thin ve angem. Rilru leh thinlung taka ama hnathawh tihpuitlin tum leh in ngaitlawm chunga ama rawng kan bawl hi kan Pathian hian a phut tlat a, Pathian rawngbawlna hna hi hlawhfa rilru pu chunga rawngbawl nge kan nih, a neitu leh kan Pathian hi lei leh van lalber rawngbawlna a ni tih hria a, rawngbawlna hlen tum mi kan ni tih hi kan in zawhna ni se. Pathian thilphut tihlawhtling tur hian Kohhran rawngbawltuten rawngbawlna kan kenkawhdan te chhungkua a nu leh pa ten kan tu leh fate kan kaihhruai dan te hi Pathian tumna leh a duhdan a ni thei angem? Kan duhtawk china rek bunga, amawitawk leh awmtawk kan zawn hian, kan Lalpa hian kan rawngbawlna rah hi a a awmtawk atih kan dawn hi kan lawmtawk atling si a ngem le.
Ringtute hian kan Pathian hi Pathiante Pathian, Lalte Lal a ni tih kan tih chuan, kan khawsakna leh kan nitin nunte kan hnathawhahte kan rawngbawlna ah te hian ama thu zawma, inhlan tharna nen hian kum bul i tan thar leh ang u.