Rawngbawltu in hlan thar na
Nimin 12th January, 2012 chawhnu dar khat khan Presbyterian Kohhran College Veng a rawngbawltute in hlan tharna hun hman a ni a. Hemi hunah hian mi 75 vel tel theiin Pastor R. Lalremruata’n Rawngbawltu tih paper a buatsaih chu zirho a ni a, tlaiah zanriah kilho nghal a ni.
Rawngbawltu inhlan tharnna hun hi Upa C. Lalbiakthanga Kohhran Committee Chairman in a kaihruaia, Upa Rosiamliana Kohhran Ziaktuin a kal thei lo te kalkhawmte a hriattir pahin inchhiarna hun a rawn hmang a. Chhan leh vang hriat lem lova kal lo mi engemawzat an awm a ni.
Chairman Upa Biaka’n Kohhran in hunbi ruat a neihah chuan a hun takah tan thin a nih thu te, Kohhran rawngbawltute chu hun vawng dik turin a fuih a, tan la deuh deuh turin kal khawm te a chah a ni.
Pastor R. Lalremruata’n a paper buatsaih chu chhiar chhuakin a sawi zau zui pah zel bawk a. A tlangpui lo tarlang ila :
1. Ringtu zawng zawng te Rawngbawlna chi thum –
(a) Tawngtai : |awngtai hi rawngbawlna pawimawh ber a ni e tih pawhin sawi ila kan uar sual awm lo e. Rawngbawlna lang-sar (hming hmerh) ah kan awm lo a nih pawhin chung a telte chu kan tawngtaipui an ngai a ni. E.g. Sipai ralkap nge pawimawh an mamawh lo supply tu? |awngai tam hi ringtu tan chakna a ni si a.
(b) Thilpek : Kan Pathian chu thilpek hmang Pathian a ni. Nun kan neih nan a Fapa min pe. Thilpek pe ngailo ringtu chak a awm theih ngai loh. Kan zavaia kan tih theih a ni a, kan Pathian hian a tam lam a en lo; kan rawngbawlna tur a ni si a, Thilpek pe ngai lo ringtu tha/chak a awm theih loh.
(c) Inkhawm / Thuhril ngaihthlak: Kan Kohhran thurin IX-na chuan – Ringtu te tih tur pawimawh tak mai a sawi chu -Inkhawm leh Thuhril ngun taka ngaihthlak a ni. Inkhawm ngai lo leh Thuhril pawh ngaithla tha peih lo chu Ringtu kebai a ni ngei ang.
2. Rawngbawltu awmdan tur:
(a) Thawmdim: Mahni intihlar tumna leh intih pawimawhna lam tel lovin, dim takin Lalpa chhiahhlawh (Rawngbawltu) chuan rawng a bawl ang. Mihriat loh te, ngaihpawimawh loh te, chal lan loh te a hlau lovin, Lansarhna, tihtauhna, thinrimna tel lova rawngbawl hi Rawngbawltu zia a ni si a.
(b) Lainatna; khawngaihna tello rawngbawlna chuan kawngro a su tlem hle thin. Lal Isua rawngbawlna thlir ila, lainatna leh khawngaihnain a khat a nih kha. Ti ha peih lo tak te hi chu kalbo mai se, tel ve lo mai se tih kan duh fo thin. Tliak thlep hnap mai te hi chu tih chah law law an chak awm a, nung che che te hi chu tihmih mai, leih mih mai a chakawm fo. Mahse, Isuan engtinnge a tih ang le? Pathian Rawngbawltu chuan mi chak lo leh fello hnenah khawngaihna a lantir thin a, thinlung hliam te tihdam leh chawrche te chhawm chhuah hi lainatna tak a tangin a ti thin.
3. Rawngbawltu quality:
(a) Rinawmna
(b) Inngaihtlawmna
(c) Taihmakna
(d) Inpekna
(e) Mahni inthununna
(f) Incheina
4.Thlarau Thianghlim hi Hlimpui atana kan hman aia pawimawh zawk chu, Rawngbawl nana hman hi a ni tih kan hiat thar fo a tul hle.
Pastor R. Lalremruatan paper min zirpui hi a tha hle a, chhuahvek chakawm viau mahse, kan chanchinbu phek a tet deuh avangin a then chauh kan tichhuak thei a ni. Upa Biaka’n tlangkawm na nei zuiin heng te hi a sawi zui a
1. Thuhriltuten thunawi neih loh
2. Thuhriltu tui chawp loh tur
3. Tehkhin thu belhchian dawl chauh sawi ni se
4. Chairman leh Thuhriltu hun tawp in hlan tawn chhen loh tur
5. Sunday School zirtirtu te tlai loh tur, naupang te lo dawn sawn tur.