Kohhran Inkhawm
Kan Kohhran inkhawm chungchang kan ziak ta malh malh hle mai a, amaherawhchu kan thuziakin kawngro a su tehchiam lo a nih hmel hle mai. 13th February, 2013 Nilaini Zan inkhawmah khan naupang te nen a chhiar vekin mi 73 chiah kan inkhawm a, Kohhran member pumpui aanga chhutin za zelah 10 pawh kan inkhawm phak lo a ang hle mai. Pathianni zan khan Kohhran hmeichhia te an Inkhawmpui avangin mi 109 chauh kan inkhawm tawh bawk a, |halai te Kohhran Hmeichhe inkhawmpui kan chhim nge kan inkhawm tlem em em bawk.
Kan Kohhran-ah hian rawngbawlna peng hrang hranga mawhphurtu kan thahnem thawkhat ve viau a, heng rawngbawlna pawimawh tak hi eng ang in nge kan ngaih hlawm le. Committee a kan va tel emaw, Hla kan va zir ringawt emaw, Sunday School a pawl kan va lak ringawt emaw kha kan rawngbawlna hlenah kan in ngai ta mai emaw tih mai tur a ni. Mawhphurhna kan chelh te kan va hlen piah lamah khan a bik taka kan tel ngei ngei na tur pawimawh em em chu Kohhran Inkhawm a tel hi a ni tih hi kan hriat thar a ha khawp mai. Rawngbawlna ki peng hrang hrang chelhtu te hi Pathian Biak Inkhawmah hian kal tha ni ila, englai pawh a Kohhran inkhawm hi Biak In mawi tham hi chu kan ni hrim hrim awm e.
Eizawna leh laklawh thil avanga inkhawm thei lo mi engemaw zat kan awm ngei ang a, amaherawh-chu Kohhran Inkhawm ngai pawimawh lo hrim hrim hi rawngbawltu zingah ngei pawh hian kan awm emaw chu aw tih mai turin Kohhran inkhawm hi kan tlem deuh thin zawng a nih hi.